MAYNILA (July 21, 2020) — Nagpakita umano ng magandang resulta ang virgin coconut oil bilang gamot laban sa COVID-19, base sa isang pag-aaral.
Ayon kay Fabian Dayrit, professor sa Ateneo de Manila
University School of Science and Engineering's chemistry department, may
anti-viral properties ang VCO.
Kwento naman ni Dr. Jose Mondejar, medical director ng
Equilibrium Integrative Health Clinic, binigyan nila ng VCO ang 69 na kabilang
sa mga unang COVID-19 patients sa Cebu City noong Abril at 45 ang nagnegatibo
sa sakit sa loob lang nang 2 linggo.
Samantala, ang 24 ay hindi nagkaroon ng matinding sintomas.
Sa Cebu Provincial Detention Center, 10 tauhang may COVID-19 ang nagnegatibo
rin matapos bigyan ng VCO. "Actually ang result dito merong mga very
promising, very positive 'yung results na after just within 5 to 7 days meron
na pong naging negative," ani Mondejar.
Dagdag naman ni Dayrit, walang naitalang side effects sa
paggamit ng VCO, bagama't puwedeng sumakit ang tiyan ng hindi sanay gumamit
nito. Sabi niya, hinihintay pa nila ang resulta ng pag-aaral sa paggamit ng VCO
sa Philippine General Hospital at mga researcher sa Sta. Rosa, Laguna.
"Mabuti sigurong ma-expand natin ang study kasi mga
ilang pasyente lang iyon. Palagay ko may pag-asa naman. Ang kailangan natin mas
malakas na katibayan pero magandang suporta ito sa nagawa ni Dr. Mondejar sa
Cebu," ani Dayrit.
No comments:
Post a Comment